Klubi i Mançester Siti ka vendosur të pezullojë pa afat mbrojtësin Benxhamin Mendi. Kampioni i Botës me Francës, akuzohet se ka përdhunuar tre vajza, ngjarje për të cilat është arrestuar nga policia e cila ka nisur hetimet.
Në një komunikatë zyrtare, Mançester Siti bëri të ditur këtë vendim që ishte marrë në momentin kur në mediat britanike ishte shfaqur lajmi se mbrojtësi i majtë, ishte në polici për këto ngjarje të vitit të fundit, Ai akuzohet se ka përdhunuar tre vajza të moshës mbi 16-vjeçare në periudhën mes tetorit 2020 dhe gushtit 2021.
Policia nga ana e saj bëri të ditur se kishte ndaluar dhe kishte arrestuar futbollistin 27-vjeçar, i cili akuzohet për katër raste përdhunimi dhe një sulmi seksual. Ajo bëri të ditur se lojtari do të dilte para gjykatës për të mësuar masën ndaj tij këtë të premte.
