Familja e 18-vjeçares që u vra barbarisht nga partneri i saj ka bërë një deklaratë të fortë. Sipas tyre, nëse për 29-vjeçarin nuk vendos drejtësia, për ata nuk është problem. Xhaxhai i viktimës deklaroi se ata veprojnë edhe pas kanunit.
“Edhe nëse do ta lironin nga burgu nesër, prapë nuk jemi pishman, sepse në Kosovë kemi dy drejtësi, është ajo ligjore dhe ajo e kanunit. Nuk është e lehtë për ne, është dhimbje e madhe ajo që na ndodhi”, u shpreh ai.
Gjithashtu, xhaxhai i 18-vjeçares tregoi gjendjen në të cilën e kishte parë mbesën e tij.
“Sot kur e pamë kufomën, fytyrën e saj dhe trupin se çfarë i kishte bërë ai, unë s’do mundesha t’ia bëja as hasmit e lërë më personit që e kam në shtrat. Kishte shumë shenja në fytyrë, në gjunjë, e rrahur, e dhunuar, shumë e sulmuar, dukej si horror”, tha ai.
18-vjeçarja është dhunuar për vdekje nga partneri i saj, ndërsa ky i fundit tha në gjykatë se ajo e ka tradhtuar dhe pikërisht ky ishte shkaku pse e vrau.
