Policia e Korçës ka arrestuar Adi Koçilerin, pasi ditën e djeshme ka shkaktuar një aksident me pasojë vdekjen e një personi.
Sipas policisë, 30-vjeçari, banues në fshatin Hoçisht, Devoll, është arrestuar pasi mbrëmjen e djeshme, pranë kryqëzimit të fshatit Cangonj-Devoll, duke drejtuar mjetin tip “Benz”, është përplasur me mjetin motor tip “Piaggio”, pa targa, me drejtues shtetasin A. Sh., 77 vjeç, banues po në fshatin Cangonj, i cili për pasojë ka gjetur vdekjen e menjëhershme.
