Një fotomontazh i Cristiano Ronaldos me fanellën e PSG përkrah rivalit të tij të përjetshëm Leo Messi ka mjaftuar për të nxitur web-in dhe për të hedhur hipoteza për një bashkim të dy rivalëve historik në klubin francez.
Zhurma, nuk do të ishte edhe aq e madhe nëse fotoja nuk do të postohej nga vëllai i presidentit të Paris Saint Germain, Al Khelaifit, ai i cili postoi edhe fotografinë e Messit me futbollistët e Paris pak përpara se argjentinasi të realizonte transferimin e madh.
Me kontratën në Torino që skadon vitin e ardhshëm, Cristiano Ronaldo kërkon të ndërrojë ambjent që këtë vit, edhe pse ndaj Udinezes e festoi si asnjëherë më parë duke treguar muskujt, golin e fitores që u anuluanga VAR.
Drejt Juventusit nuk ka oferta konkrete. Pavarësisht mohimit të drejtuesve bardhezinj, agjenti i Ronaldos Horge Mendes, është duke trokitur prej kohësh në dyert e PSG, Manchetser City por edhe në atë të United dhe Real Madrid.
Dy klubet e para janë të vetmet që mund të plotësojnë kushtet financiare, por parizienët mbeten në varësi të të ardhmes së Kilian Mbappe i cili refuzon vazhdimisht rinovimin, ndërsa Manchetser City mbetet në pritje të Harry Kane, me Tottenham që i ka thënë jo 145 milionë eurove. Një javë për të vendosur fatin e Portugezit që me apo dëshirën e tij, duke e destinuar të jetë në Torino të paktën dhe për një vit.
