Një person është plagosur me thikë në Lushnje. Policia njoftoi këtë të Mërkurë arrestimin e autorit, ndërsa bëri me dije se i lënduari, një 56-vjeçari, është jashtë rrezikut për jetën.
“Nga shërbimet e Komisariatit të Policisë Lushnjë, pas marrjes së njoftimit se në spitalin e Lushnjës kishte shkuar i plagosur me thikë një shtetas, menjëherë është organizuar puna dhe është bërë i mundur identifikimi, kapja dhe arrestimi në flagrancë i autorit të dyshuar, shtetasit N. S., 29 vjeç, banues në Lushnjë”, bënë me dije burime zyrtare.
“Ky shtetas, në lagjen ‘18 Tetori’, ka plagosur për motive të dobëta, me mjet prerës (thikë), shtetasin L. K., 56 vjeç, banues në Lushnjë, i cili ndodhet jashtë rrezikut për jetën”, shtuan të njëjtat burime.
