Publikohen pamje të reja nga arrestimi i Dardan Krivaqës, i dyshuari për vrasjen e 18-vjeçares në Ferizaj. Ai u arrestua në një fshat në afërsi të Ferizajt. Një video e re po qarkullon në rrjetet sociale, ku shihet arrestimi i tij.
Në pamje shihet se si dy persona policë civilë, qe e ndjekin nga pas dhe e kapin nga krahët dhe vazhdojnë të ecin poshtë rrugës bashkë me autorin e dyshuar. Ndërkohë, shoku i tij është arrestuar ditën e diel.
Dosja e prokurorisë së 18-vjeçares ndër të tjera thotë se ajo u keqtrajtua dy ditë deri në vdekje.
Po ashtu këshilltarja në Ministrin e Drejtësisë, Nazlie Balaj ka treguar se 18-vjeçarja kishte ndërruar jetë 24 orë para se të dërgohej në spital.
“Sipas informatave që i kemi ne si Ministri e Drejtësisë në të cilën është edhe Instituti i Mjekësisë Ligjore rasti i Marigonës është rast politraumë ku për dy ditë radhazi, sipas gjithmonë informacioneve, është ushtruar dhunë dhe që e ndjera ka vdekur 24 orë përpara para se të dërgohej nga të dy të dyshuarit në spitalin e Ferizajt”, u shprehë Balaj.
