Janë vënë nën kontroll tre vatrat e zjarrit në fshatin Zhulat në bashkinë Gjirokastër.
Flakët kanë gjeneruar në orët e drekës se sotme nga një zjarrvenie e qëllimshme ndërkohe që policia e Gjirokastrës ka rënë në gjurmët e një piromani i cili është bari shtegëtar nga Tepelena.
Zjarret janë shuar brenda 5 orëve ndërkohë që shkaktuan dëme të konsiderueshme në kullotë dhe drurë frutorë. Sipas përllogaritjeve, vlerësohet deri në 3 ha kullotë e djegur dhe dhjetëra rrenjë drurë frutore të gjendura në zonën e rrezikut.
Ne aksionin e shuarjes së zjarreve u angazhuan 15 forca nga PMNZSH Gjirokastër, 12 nga Forcat e Mbështetjes Rajonale Gjirokastër, 12 nga Agjencia e Pyje Kullotave, 13 nga Agjencia e Shërbimeve dhe banorë të fshatit.
