Egnatia do luajë në stadiumin e qytetit me nisjen e sezonit në Superligë. Tanimë në Rrogozhinë gjërat janë në drejtimin e duhur, me fushën që është shkelur për herë të parë nga të besuarit e Maganit.
Nëse më herët Rrogozhina kishte një fushë sportive, tanimë drejtuesit duhet të jenë të kënaqur me punën e bërë, teksa stadiumi ka marrë formë dhe është gati për të pritur Superligën.
Punimet në fushë kanë përfundur, aqsa skuadra është stërvitur në të. Mbetet të kompletohen dhomat e zhveshjes dhe mjediset rrotull tribunës, ndërsa stolat në të janë gati dhe pritet vendosja. Në pak kohë, Egnatia bëhet me stadium falë edhe presidentit Agim Demrozi.
