Është publikuar identiteti i 18-vjeçares e cila u gjet në derën e spitalit pa shenja jete në Kosovë.
Mësohet se dy të rinj në Kosovë kanë lënë të vdekur, 18-vjeçaren Marigona Osmani në derën e spitalit në Ferizaj pasi e kanë dhunuar fizikisht dhe si pasojë e goditjeve ka ndërruar jetë.
Policia ka arrestuar një nga personat e dyshuar, shtetasin A.S, 32-vjeç dhe ka shpallur në kërkim shtetasin D.K.
Dy të rinjtë janë kapur nga pamjet e kamerave të sigurisë, kur lënë 18-vjeçaren pa shenja jete në dyert e spitalit e pastaj largohen me një makinë ‘Audi A8’ me targa zvicerane me ngjyrë të zezë.
Mësohet se për të dyshuarin, A.S. 32 vjecar, është dhënë masa e ndalimit për 48 orë.
Ndërsa sipas prokurorisë, A.S dyshohet se ka kryer veprën penale “Vrasje e rëndë”, bashkë me të dyshuarin, D.K. Trupi i pajetë i viktimës është dërguar në Institutin e Mjekësisë Ligjore në Prishtinë për ekzaminim./Insajderi
