Një ngjarje e rëndë ka ndodhur ditën e sotme në komunën Skenderaj në Kosovë. Mësohet se një 36-vjeçar është gjetur i vdekur në shinat e trenit, ndërsa autoritetet lokale dyshojnë se i riu ka bërë vetëvrasje.
Zëdhënësi i Policisë për rajonin e Mitrovicës, Ilmi Prekazi, ka dhënë më shumë detaje.
“Rasti është pranuar në orën 06:43 dhe viktima është e moshës 36 vjeçare. Ngjarja ka ndodhur në fshatin Aqarevë të Skenderajt.
Policia ka pranuar informacion se një person është goditur nga treni, njësia është përgjigjur në atë rast menjëherë, kur kanë shkuar aty mjeku ka konstatu se personi është pashenja jete. Kemi mendu që është aksident me fatalitet, sipas rrethanave më shumë ka gjasa që është vetëvrasje”, ka deklaruar ai./Express/
