Dy makina janë përplasur me njëra-tjetrën në autostradën Vlorë- Fier. Ngjarja ka ndodhur pranë vendit të quajtur Ura e Mifolit.
Si pasojë e aksidentit, mësohet se janë plagosur tre persona.
“Rreth orës 19:45, në autostradën Fier-Vlorë, në vendin e quajtur “Ura e Miflolit”, një mjet tip “Benz”, me drejtues shtetasin D. S, është perplasur me një tjetër mjetin tip “Kama”.
Si pasojë e përplasjes është dëmtuar drejtuesi i automjetit Kama dhe 2 pasagjerët në të, të cilët janë dërguar në spitalin e Vlorës. Grupi hetimor ndodhet në vendngjarje dhe po punon për zbardhjen e rrethanave të aksidentit”, thuhet në njoftimin e policisë.
