Një person ka mbetur i plagosur me thikë në Korçë.
“Rreth orës 12:15, jemi njoftuar se në afërsi të një resorti në Malin Moravë-Korçë, gjatë një konflikti për motive pronësie, shtetasi Anri Reli dyshohet se ka dëmtuar me mjet prerës shtetasin Sotiraq Misha, banues në Korçë, i cili u transportua për mjekim në Spitalin e Korçës”, njoftoi policia.
“Shërbimet e policisë, shkuan menjëherë në vendngjarje dhe bënë të mundur kapjen e autorit të dyshuar dhe shoqërimin e tij në ambientet e Komisariatit për veprime të mëtejshme. Grupi hetimor po punon për të zbardhur rrethanat e ngjarjes”, shtuan të njëjtat burime.
