Tre pushues janë mbytur në det këtë të Diel, në Spille dhe Velipojë.
Në Spille, kanë humbur jetën dy të moshuar nga Maqedonia e Veriut, ndërsa viktima në Velipojë është shqiptar.
Ngjarjet kanë ndodhur paraditen e sotme. “Në plazhin e Spillesë, rreth orës 11:25, Mirko Micevski, 79 vjeç dhe Cvetko Mitanovski, 78 vjeç, pushues nga Maqedonia e Veriut, dyshohet se si pasojë e dallgëve janë mbytur në det”, njoftoi policia e Kavajës.
Ndërsa në Velipojë humbi jetën një 59-vjeçar. “Rreth orës 11:15, në plazhin e Velipojës, Hasan Hysenaj, rreth 59 vjeç, dyshohet se është mbytur në det”, njoftoi policia lokale.
