Juventus e ka nisur ters sezonin. Bardhëzinjtë janë ndalur në një barazim në transfertën e Udineses.
Në fakt pjesën e parë të besuarit e Allegrit e mbyllën me avantazhin e dy golave. Dybala zhbllokoi shumë shpejt sfidën në minutën e 3-të teksa Cuadrado dyfishoi më vonë.
Në pjesën e dytë, Udinese u ‘ngjall’ dhe shënoi fillimisht me Pereyran ndërsa Deulofeu shokoi Juventusin në minutën e 83-të.
Të dy golat erdhën për shkak të gafave të bëra nga portieri bardhezi Schezny.
Në minutën e fundit, Cristiano Ronaldo shënoi me kokë dhe hoqi bluzën për të festuar, por VAR i ‘ngriu’ buzëqeshjen dhe i anuloi golin e fitores.
Ronaldo këtë sfidë e nisi nga stoli teksa u aktivizua vetëm në minutën e 60-të.
