Tre persona janë plagosur si pasojë e një aksidenti të ndodhur në bypass-in e Fierit këtë të Shtunë. Policia njoftoi se të plagosurit nga përplasja e dy automjeteve janë jashtë rrezikut për jetën. Ndërkohë, pamjet nga vendngjarja tregojnë automjetet e shkatërruara që kanë përfunduar jashtë asfaltit.
“Rreth orës 08:45, në bypass-in e Fierit, në vendin e quajtur ‘Pojan’, automjeti tip ‘Volksëagen’ me drejtues shtetasin E.T., është përplasur me automjetin tip ‘Nisan’ me drejtues shtetasin I.T, ku për pasojë të dy automjetet kanë dalë nga rruga dhe janë dëmtuar lehtë 3 pasagjerë të cilët po marrin ndihmën mjekësore në Spitalin Fier pa probleme për jetën”, njoftoi policia.
Grupi hetimor po punon për zbardhjen e shkaqeve të aksidentit, shtuan të njëjtat burime.
