Një grup personash nga Bangladeshi janë parë pasditen e sotme në godinat e Qytetit Studenti.
Ora News ka arritur të sigurojë video të grupit të personave që në fillim u vendosën para godinës 24-25 dhe pastaj u zhvendosën në godinën 27.
Grupi rreth 12 persona përbëhej nga fëmijë dhe gra.
Ata nuk janë lejuar të hyjnë në asnjërën prej godinave, më pas janë marrë nga policia për t’u zhvendosur diku tjetër.
Policia sqaroi se shtetasit, nuk ishin afganë por ishin nga Bangladeshi dhe kanë ardhur në Shqipëri me kontratë pune.
Gabimisht ata janë dërguar në qytetin Studenti dhe më pas janë zhvendosur për në një destinacion tjetër.
Disa godina të Qytetit Studenti janë bërë gati për të strehuar një grup afganësh që priten të largohen nga Afganistani.
