Pak muaj pas publikimit në rrjetet sociale të disa videove ku shfaqej kryetarja e Gjykatës së Elbasanit Enkeleda Kapedani duke bërë kërcyer dhe bërë parakalime jo etike brenda institucionit që drejtonte, një tjetër zyrtar i lartë është shfaqur në ambientet e institucionit që drejton duke kënduar e kërcyer me stafin e punës.
Bëhet fjalë për rektorin e Universitetit të Elbasanit, Skënder Topi, i cili ka festuar 55-vjetorin e lindjes duke kthyer ambientet e bibliotekës së universitetit në sallë festive.
Në videon e publikuar në media, rektori i universitetit ka shfrytëzuar ambientet e universitetit për të organizuar festën e lindjes, teksa shfaqet duke kërcyer me stafin nën ritmet e muzikës popullore.
Universiteti i Elbasanit ka brenda ambienteve të tij një bar, që përdoret nga pedagogët dhe studentët, por duket e drejtuesi i këtij institucioni ka preferuar të përdorë sallat e universitetit për festën e tij private.
/Syri Tv/