Situata në aeroportin e Kabulit nuk raportohet aspak e mirë. Mediat ndërkombëtare shkruajnë se një gjerman është qëlluar me armë, ndërsa po shkonte për në aeroport. Lajmin e bënë me dije vetë autoritetet gjermane, ndërsa theksojnë se gjendja e tij është e mirë, jashtë rrezikut për jetën.
“Personi i plagosur është në spital, fatmirësisht jashtë rrezikut për jetën”, kanë thënë autoritetet. Ndërkohë që vështirësitë po shtohen në aeroport, pasi talebanët po pengojnë largimin e afganëve. Situata e tillë vijon prej dy ditësh, ndërsa të dielën, talebanët thanë se kush dëshiron të largohet, është i sigurt.
