Një 17-vjeçar u arrestua nga policia e Shkodrës pasi iu gjet një armë zjarri tip pistoletë me vete.
Policia njoftoi se “si rezultat i informacionit të marrë në rrugë operative se një i mitur qarkullonte me armë zjarri me vete, nga shërbimet e Forcës së Posaçme Shqiponja u bë kapja dhe arrestimi në flagrancë i shtetasit A. K., 17 vjeç, banues në lagjen ‘Kongresi i Permetit’, Shkodër”.
Gjatë kontrollit fizik të ushtruar ndaj tij, shërbimet e Policisë i gjetën në trup një armë zjarri pistoletë me fishekë luftarak, shtuan të njëjtat burime.
Ndaj adoleshentit rëndon akuza për veprën penale “Armëmbajtja pa leje”.
