Një tjetër zjarr i fuqishëm ka rënë në fshatin Starovë në Berat.
Mësohet se zjarri është vënë nga vetë fermerët për të djegur mbeturinat dhe mbetjet bujqësore por si pasojë e erës së fortë zjarri është përhapur me shpejtësi nga shkurret në drejtim të tokave bujqësore dhe në zonat me pemë frutore e vreshta.
Raportohet se ne vendngjarje kanë shkuar forca të shumta të Repartit Zjarrfikës,të cilët kanë mundur ta vënë zjarrin nën kontrroll dhe të shuajnë vatrat e flakëve.
Nuk është hera e parë që kjo zonë përfshihet nga zjarri,që është vënë në të gjitha rastet nga pakujdesia nga vetë fshatarët,duke shkaktuar dëme të mëdha.Si pasojë e zjarrit të rënë pasditen e sotme në fshatin Starovë, janë djegur 2 ha parcela të mbjella me misër,pemë frutore dhe vreshta.
