Një ngjarje e rëndë ka ndodhur në provincën e Pistoia, Itali, ku një shqiptar ka humbur jetën ndërsa ishte duke u larë në det.
Bëhet fjalë për 62-vjeçarin shqiptar M. Sinameta, i cili ishte së bashku me familjen duke kaluar disa ditë pushimesh në zonën e Marina di Vecchiano.
Lajmin e keq e ka dhënë kryebashkiaku i Marina di Vecchiano, Massimiliano Angori, i cili ka theksuar se ‘lutemi për humbjen e madhe që ka goditur komunitetin tonë në këtë ditë të nxehtë grushti’.
Informacionet paraprake bëjnë me dije se shqiptari ishte duke u larë në det kur është goditur nga një atak kardiak.
Edhe pse ndihma mjekësore ka qenë shumë e shpejtë, ai nuk ka mundur të mbijetojë, por ka humbur jetën në sytë e familjes së tij.
