Vetëm pak orë pas largimit të Shpëtim Duros, Laçi gjen drejtuesin e ri të stolit. Klubi kurbinas nuk humbi kohë, duke emëruar trajnerin malazez Dejan Vukiçeviç.
53-vjeçari u prezantua nga menaxheri i skuadrës bardhezi, Dario Pali, menjëherë pasi firmosi kontratën që e lidh me Laçin për sezonin e ri. Vukiçeviç është një prej trajnerëve më të spikatur në Malin e Zi, teksa ka edhe mjaft eksperiencë ndërkombëtare.
Mes të tjerave, ai ka drejtuar Ventspils në Lituani, Vojvodinën në Serbi, Daça në Moldavi dhe Feronikelin në Superligën e Kosovës. Ekipi “Dardan” ishte i fundit në karrierën e trajnerit, i cili nuk ka punuar në asnjë skuadër prej vitit 2019.
