Një aksident ka ndodhur në orët e para të mëngjesit të sotëm në Ksamil.
Dyshohet se drejtuesi ka humbur kontrollin e mjetit dhe është përplasur në rrethimin e një biznesi si dhe ka dëmtuar dy mjete të parkuara.
Automjeti tip “BMW” me drejtues Ajet Aledini, 31 vjeç është dëmtuar rëndë si pasojë e përplasjes, ndërkohë që 31-vjeçari ka pësuar lëndime të shumta dhe është transportuar fillimisht në spitalin e Sarandës për ndihmë mjekësore e më pas në Tiranë.
