Një fëmijë është plagosur rëndë në një aksident rrugor në Shëngjin paraditen e kësaj të marte.
Policia njoftoi rreth orës 08.45, mjeti tip furgon me drejtues shtetasin Sh.P., ka goditur një të mitur të moshës 6 vjeç. Ky i fundit ka marrë dëmtime dhe është transportuar në spitalin Rajonal Lezhë, ku ndodhet nën kujdesin mjekësor.
Drejtuesi i mjetit është shoqëruar në Komisariatin e Policisë Lezhë, për veprime të mëtejshme.
Grupi hetimor në vendngjarje po punon për sqarimin e plotë të shkakut dhe rrethanave të ngjarjes, njoftoi më tej policia.
