Polonia kërcënon Shqipërinë me Robert Lewandowski-n dhe Kriztof Piatek në sulm, për ndeshjen e datës 2 shtator.
Trajneri Paulo Soza publikoi listën me 26 futbollistët që do të ketë në dispozicion për duelet kualifikuese të Botërorit 2022. Teksa Lewandowski mbetet ylli i polakëve, rikthimi i Piatek është mjaft i rëndësishëm, me sulmuesin e Hertha Berlin që humbi Europianin për shkak dëmtimi.
Pjesë e ekipit është edhe portieri i Juventusit, Sczeczny, ndërsa mungon Milik i huazuar nga Napoli te Marseille. Pas transfertës në Poloni, Kombëtarja shqiptare do të ndeshet më 5 shtator me Hungarinë në Arenën Kombëtare, për të luajtur sërish në shtëpi tre ditë më pas ndaj San Marinos.
