Një aksident me një person të vdekur dhe 3 të plagosur ka ndodhur në Berat këtë të Martë.
Sipas një rindërtimi paraprak të ngjarjes, një kamionçinë ka dalë nga rruga në aksin Berat-Roshnik. Për pasojë ka mbetur i vdekur Zybo Brami 58 vjeç ndërsa Astrit Kanaçi, i cili dyshohet të ketë qenë shoferi i makinës, është në gjendje të rëndë shëndetësore.
Të plagosur kanë mbetur dhe Daniel Brami 26 vjeç dhe R. Brami 12 vjeç. Këta dy të fundit raportohet se ndodhen jashtë rrezikut për jetën.
Të plagosurit janë transportuar në spitalin rajonal, ku po marrin ndihmë mjekësore, ndërsa një hetim ka nisur lidhur me aksidentin.