Vetëm pak ditë kanë mjaftuar që Afganistani të pësojë një shembje të qeverisë. Pritet nga momenti në moment që talebanët të marrin kontrollin e vendit, teksa ndërkombëtarët janë të vendosur që të tërhiqen përfundimisht.
Zëdhënësi i talebanëve për BBC ka siguruar se nuk do të ketë hakmarrje ndaj popullit afgan.
“Ne i sigurojmë njerëzit në Afganistan, veçanërisht në qytetin e Kabulit, se pronat e tyre, jeta e tyre është e sigurt – nuk do të ketë hakmarrje ndaj askujt. Ne jemi shërbëtorë të njerëzve dhe të këtij vendi. të gjithë afganët do të kishin pjesëmarrje në qeverinë islamike”– tha Hakim.
Tashmë talebanët kanë hyrë në Kabul teksa kanë bërë thirrje që gjithë qytetarë që duan të largohen nga kryeqyteti mund të ikin paqësisht.
