Komiteti për Marrëdhëniet me Jashtë i Senatit amerikan ka reaguar lidhur me strehimin e afganëve në Shqipëri.
Bob Menendez përmes një postimi në Twitter shprehet se mbështet plotësisht vendimin e autoriteteve shqiptare për të ofruar një strehë për ta.
“Mirëpres vendimin e Qeverisë shqiptare për t’u dhënë një strehë të përkohshme e të sigurt atyre që ikin nga sulmet e talebanëve në Afganistan.
Populli i Shqipërisë po i tregon edhe një herë botës se çfarë do të thotë “BESA”. Ju keni respektin dhe falenderimet tona”, shkruan Menendez.
