Ylli Manjani, ish-Ministër i Drejtësisë, ka reaguar lidhur me një deklaratë të Kryeministrit Edi Rama në rrjetet sociale, ku ai shprehej se Shqipëria ishte e gatshme të pranonte refugjatët politikë afganë që po largohen prej konfliktit që ka shpërthyer atje.
“Humanist leshi! Akoma nuk ka strehuar popullin e vet pas tërmetit, i paska ra ndërmend për afganët! Pfffff…”, shkruan Manjani, duke shtuar se humanizmi është thjesht kolla për të fshehur pordhët politike”.
Postimi nga Ylli Manjani
“Siç e parashikuam! Gjasme humanizmi është thjesht kolla për të fshehur pordhët politike.
Po të ishte për humanizëm, nuk kishte pse të negocionte Amerika. Shtetet i bëjnë gjestet humanitare duke mirëpritur njerëz në rrezik e nuk bëjnë zë. Dhe s’ka pse ta zbulojë një angjensi lajmesh se ka bisedime, sepse qeveria humaniste e bën hapur vendimmarrjen e saj!!! Për humanizmin nuk kërkohet bisedime, por gjeste.
Dhe, po, padyshim që nuk ka asnjë paragon krahasimi i një grushti afganas në rrezik, me strehimin e hebrejve! Këta të fundit nuk i solli Amerika.
Por e gjitha është për politikë. Siç e parashikuam. Sepse në Albanistan po të foli mirë ambasada amerikane, je Boss!!!
E parashikuam dje edhe llumhanen që do lëshojë Bosi. E ka gjuhë standarte kur kapet në flagrancë. Pastaj e mbyll në emër të shumicës qeverisëse. Shumicës që sapo e ka vjedhur me ligj në zgjedhjet e fundit…
Meqë ra fjala, sot pranon publikisht, për herë të parë, se paska strehuar edhe 2000 iranianë… Ngaqë është human dhe transparent, prandaj!
Humanist leshi! Akoma nuk ka strehuar popullin e vet pas tërmetit, i paska ra ndërmend për afganët! Pfffff…” përfundon Manjani.
