I veshur me xhaketë me ngjyrë të errët dhe një bluzë ngjyrë gri, Kryeministri Edi Rama, është shfaqur në një nga lokalet e zonës së Lungomares, ndoshta për të konsumuar një kafe.
E para që tërheq vëmendjen është se në temperatura mjaft të larta, Kryeministri mban veshur një xhaketë, dhe e dyta se pas tij qëndron një truprojë që e ndjek këmba këmbës.
Personi që është caktuar të mbrojë Kryeministrin është me një kufje në vesh, sikundër janë përgjithësisht të gjithë truprojat dhe hyn në lokal menjëherë pas Ramës.
Që Kryeministri të ruhet është krejt normale, por Rama mundohet të shfaqet kudo si një politikan që shëtit i lirë, që s’mban truproja, edhe pse në jo pak raste mediat kanë raportuar se Kreu i Qeverisë, gjatë shëtitjeve që bën, ka rreth e rrotull të paktën 7 efektivë të Gardës së Republikës.
Në jo pak raste për sigurinë e Kryeministrit është thënë se mban anti-plumb, ndaj dhe vesh një xhaketë edhe kur temperaturat janë 40 gradë celcius. Rama asnjëherë se ka pranuar, ndonëse kur ishte në opozitë hidhte batuta të ngjashme ndaj ish-Kryeministrit Sali Berisha, i cili shfaqej me një pulover pa mëngë.
Video e mëposhtme tregon momentet kur Rama hyn në lokal, pas tij me shpejtësi hyn truproja, ndërsa Kryeministri tenton të duket si një prej vizitorëve krejt të zakonshëm.
