Bayern Munich është ndalur në barazim 1-1 në ndeshjen e parë të sezonit të ri në Bundesligë, përballë Borussia Mönchengladbach, takim i luajtur në “Borussia Park”.
Gladbah kaloi në avantazh në minutën e 10-të me një gol të realizuar nga Plea. Një thyerje aksioni në mesfushë u shfrytëzua prej tyre dhe sulmuesi nuk fali përballë Manuel Neuer.
Kundërpërgjigja e Bayernit do të vinte në fundin e 45 minutave të para, me Robert Lewandowskin, që do të realizonte me një kthesë të bukur brenda zonës.
Sulmuesi kishte mundësitë e veta, ndërkohë që edhe Borussia M’Gladbach rrezikoi. Në fund pati edhe një pretendim për penallti, por me ndihmën e VAR nuk u akordua dhe nuk pati ndryshim rezultati.
