“E piva në mëngjes rakinë, më zuri në darkë!” Është ky justifikimi që ka përdorur një drejtues automjeti i quajtur Petrit Dajanaj, i cili u ndalua nga policia teksa drejtonte mjetin në gjendje të dehur.
Ndërkohë një tjetër shofer i ndaluar nga policia është edhe Emirildo Cenaj, sipas të cilit drageri ka gabuar që e ka nxjerrë të dehur, ndërsa nga ana tjetër këmbëngulte se kishte kthyer vetëm një gotë.
Seanca të tilla janë kthyer në diçka të zakonshme në Gjykatën e Tiranës, ku shoferët të arrestuar në gjendje të dehur përballen me masat disiplinore ndaj tyre. Nga janari deri tani janë arrestuar 420 shoferë të dehur që kanë dalë para gjykatës së kryeqytetit./Topchannel
