Policia e Sarandës ka arrestuar shtetasin Edison Vyzaj, 28 vjeç banues në Shkodër, në lidhje me plagosjen e 33-vjeçarit në dhomën e një hoteli në Ksamil.
Nga veprimet e para hetimore policia bën me dije se ngjarja ndodhi nga pakujdesia, por pa dhënë shumë detaje mbi dinamikën e saj.
Njoftimi i plotë i policisë:
Si rezultat i reagimt të shpejtë dhe veprimeve profesionale të kryera nga Grupi Hetimor u bë e mundur zbardhja e ngjarjes dhe arrestimi në flagrancë i shtetasit Edison Vyzaj, 28 vjeç banues në Shkodër.
Nga veprimet e para hetimore rezultoi se rreth orës 20:45, në një dhomë hoteli në Ksamil, nga pakujdesia shtetasi Edison Vyzaj ka plagosur 33 vjeçarin, i cili ndodhet në spital, jashtë rrezikut për jetën.
Shërbimet e Policisë kanë gjetur e sekuestruar në cilësinë e provës materiale armën e zjarrit pistoletë.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
