Dy efektivë policie të Repartit Shqiponja, ndërsa ishin në patrullim, janë përplasur nga një automjet. Policët fillimisht janë transportuar drejt spitalit rajonal në Durrës, por më pas njëri prej tyre është transportuar drejt spitalit të Traumës në Tiranë.
Sipas policisë, policët e aksidentuar janë K.H dhe A.K, të cilët ishin duke patrulluar me një motor, kur u përfshinë në aksident.
Policia ka shoqëruar drejtuesin e mjetit, që sipas raportimeve është, Shkëlzen Kraja. Ai drejtonte automjetin tip Benz dhe policia në njoftimin e saj nuk jep detaje se si ka ndodhur aksidenti.
