Dy aksidente kanë ndodhur në Tiranë, ndërsa drejtuesit e motorëve kanë përfunduar në spital. Një nga aksidentet ka ndodhur te Ura e Beshirit, ndërsa tjetri te rruga 5 Maji. Aksidentet kanë ndodhur në orën 17:45 dhe sipas njoftimeve nga policia të plagosurit janë transportuar në spital
Tiranë/Informacione paraprake
Më datë 13.08.2021, rreth orës 17:45, tek Ura e Beshirit, një mjet kamion me drejtues shtetasin M. B., ka përplasur motorrin me drejtues shtetasin K. H., 20 vjeç, i cili ndodhet në spital, nën kujdesin e mjekëve.
Rreth orës 17:45, në rrugën “5 Maj”, mjeti me drejtues Y. D., ka përplasur motorrin me drejtues D. L., 24 vjeç, i cili ndodhet në spital, nën kujdesin e mjekëve.
Grupi hetimor punon për sqarimin e rrethanave të aksidentit.
