Kryeplaku i fshatit Qafmollë dhe një 37-vjeçar janë arrestuar nga policia e Tiranës pas zbulimit të dy tentativave për kultivimin e bimëve narkotike në këtë fshat. Policia njoftoi se arrestuan në flagrancë shtetasit R. H., 37 vjeç dhe A. D., 52 vjeç (kryeplak i fshatit Qafmollë), pasi dyshohen se në fshatin Qafmollë, kanë kultivuar bimë narkotike të dyshuar cannabis sativa.
Gjithashtu, këta dy shtetas dyshohen edhe si autor të ngjarjes 19.06.2021, ku gjatë kontrollit të territorit, në fshatin Qafmollë, u konstatuan të kultivuar bimë narkotike të dyshuar cannabis sativa.
Materialet i kaluan Prokurorisë së Rrethit Gjyqësor Tiranë, për veprat penale “Kultivimi i bimëve narkotike”, kryer në bashkëpunim dhe “Shpërdorimi i detyrës”.
