Pushuesit në bregdetin e Benidorm në Spanjë janë tmerruar pasi një peshkaqen 8 metra i gjatë u shfaq papritur në breg.
Në pamjet e publikuara në media shihet teksa pushuesit vrapojnë për të shpëtuar. Policia monitoroi me helikopter dhe me dy anije peshkaqenin i cili për orë të tëra përshkroi bregdetin.
Britanikja Christine Kettley, 36 vjeç, ishte me familjen e saj në plazhin e mbushur me njerëz ndërsa peshkaqeni shëtiste në breg. Nëna e tre fëmijëve tha për The Sun: “Ky peshkaqen ishte i madh, rreth 8 metra i gjatë dhe kërciste në ujë.”
