Në mëshirë të fatit, një çift 20-vjeçarësh po kërkonin ndihmë, teksa kishin ngecur në një nga majat më të larta të Britanisë. Në shkëmbin 30 metra të gjatë, të rinjtë dukeshin se nuk do shpëtonin kurrë.
Mediat angleze shkruajnë se një eksplorues që po kalonte në zonë, fillimisht mendoi se ishin dhi, por pastaj e kuptoi se ishin njerëz, duke iu ardhur në ndihmë. Mësohet se operacioni i shpëtimi zgjati 6 orë dhe 18 persona dolën në terren. Ata hasën vështirësi me helikopter, duke e bërë aksionin të duket sikur nuk do mbaronte.
