Një 23-vjeçar shqiptar u arrestua të mërkurën në mbrëmje, në Fara Gera d’Adda, në zonën e Bergamos, pasi kërcënoi me armë gruan dhe vjehrrën e tij.
Ngjarja ndodhi pas një grindjeje me gruan e tij për “arsye të rëndomta”.
I riu u largua nga shtëpia dhe më pas u shfaq menjëherë teksa mbante një pushkë dhe kërcënoi se do të vriste gruan dhe nënën e saj, e cila kishte mbërritur ndërkohë për të mbrojtur vajzën.
Dy gratë raportuan menjëherë ngjarjen në polici.
23-vjeçari u bllokua në shtëpinë e vjehrrës, ku kërcënoi edhe të afërmit e tjerë.
Ajo që e rëndon edhe më shumë pozitën e shqiptarit, është fakti se arma e gjahut që u përdor për kërcënimin, ishte vjedhur nëntorin e kaluar në provincën e Bergamos.
Ndërkohë që tashmë për të riun janë hapur dyert e burgut të Bergamos.
