Një infermiere, e cila punon në një qendër vaksinimi në Friesland, Gjermani, ndyshohet se qëllimisht u ka injektuar ujë me kripë në vend të vaksinës rreth 8600 personave.
Fillimisht kishte dyshime vetëm për gjashtë raste, por hetimet zbuluan se bëhet fjalë për plot 8600 persona, që tashmë mund të mos jenë të mbrojtur kundër Covid, pasi nuk kanë marrë vaksinën, shkruan The Guardian.
I pari që denoncoi një fakt të tillë ishte një nëpunës i qendrës së vaksinimit i cili pa infermieren të mbushë me ujë me kripë të paktën 6 shiringa.
Tashmë të gjithë ata që rezultojnë të vaksinuar në këtë qendër duhet të marrin një dozë tjetër vaksine. Një procedurë sigurie paraprake që për autoritetet nuk përbën asnjë rrezik. Mes të vaksinuarve, të cilët duhet të marrin një dozë të re ka dhe shumë personel shëndetësor.
Departamenti gjerman për shëndetësinë i këshilloi nëpunësit të paraqiten në oraret e caktuara në mënyrë që të mos rrezikojnë infektimin e personave të tjerë.
Ende nuk dihet motivi i infermieres por sipas policisë arsyeja mund të jetë skepticizmi ndaj vaksinave.
