Në Bellinzona, kryeqytetin e Kantonit Ticino, një i ri është mbytur teksa përpiqej t’i shpëtonte policisë. Ngjarja ka ndodhur të mëngjesin e së mërkurës, raporton Tio.ch, sipas të cilit viktima po përpiqej ti shpëtonte policisë së kantonit, pasi e kishin kapur duke vjedhur.
Sipas autoriteteve, 28-vjeçari ishte i pastrehë.
Policët fillimisht e kishin humbur nga pamja personin në fjalë pasi në orën 7.30 të mëngjesit kishin marrë raportin për një sulm, transmeton albinfo.ch.
Vetëm pak kohë më vonë, ai u pa sërish. Kësaj radhe, në një pikë karburanti. Kur policët arritën atje, ai iku prej tyre drejt lumit Ticino. Ai është hedhur nga bregu dhe më pas u mor nga rryma.
Rreth dy orë e gjysmë më vonë, një trup i pajetë është gjetur pranë një ure mbi lumin Fiume Ticino në rrethin Galbisio, transmeton albinfo.ch.
Autoritetet vërtetuan përmes identifikimit se bëhej fjalë për personin në kërkim. Kosovari 28-vjeçar ishte regjistruar si refugjate dhe kohët e fundit ishte i pastrehë. Ai ishte i njohur për autoritetet pasi më parë i ishte ndaluar hyrja në Zvicër.
