Një aksident i rëndë ka ndodhur mëngjesin e sotëm në aksin rrugor Fushë Krujë-Milot.
Si pasojë e përplasjes së dy mjeteve me targa të Kosovës, 3 persona kanë mbetur të plagosur rëndë, dhe janë nisur me urgjencë drejt spitalit të Traumës në Tiranë.
Sipas policisë janë lënduar pasagjerët e njërit automjet, 20-vjeçarja A.R., 30-vjeçarja Xh.Sh., dhe 23-vjeçarja M.M., të cilat janë dërguar në spital ku edhe po marrin trajtim mjekësor.
Sakaq grupi hetimor po punon për zbardhjen e rrethanave të aksidentit.
Krujë/Informacion paraprak
Më datë 11.08.2021, rreth orës 07:00, në aksin rrugor Tapizë-Derven, janë përplasur 2 automjete me drejtues shtetasit A. Sh., dhe F. K. Si pasojë e përplasjes janë lënduar pasagjerët në mjet, shtetaset A. R., 20 vjeçe, Xh. Sh., 30 vjeçe dhe M. M., 23 vjeçe, banuese në Kosovë, të cilat ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të aksidentit.
