Një 24 vjeçar u arrestua nga policia, pasi në gjendje të dehur plagosi me mjet prerës bashkëmoshatarin e tij dhe i theu me mjete të forta xhamat e biznesit.
Shërbimet e Policisë, pasi kanë marrë njoftim se në lagjen nr.1, Cërrik, gjatë një konflikti për motive të dobëta, shtetasi A. Z., i cili ishte në gjendje të dehur, kishte plagosur me mjet prerës (thikë), shtetasin M. M., 23 vjeç, banues në Cërrik, dhe kishte thyer me mjete të forta xhamat e dritares së biznesit së tij, kanë shkuar menjëherë në vendin e ngjarjes.
Shtetasi Armand Zani, është arrestuar në flagrancë për veprat penale “Plagosja e rëndë me dashje” dhe “Shkatërrimi i pronës”.
Në përfundim të veprimeve, specialistët për Hetimin e Krimit në Komisariatin e Policisë Cërrik arrestuan në flagrancë shtetasin A. Z., 24 vjeç, për veprat penale “Plagosja e rëndë me dashje” dhe “Shkatërrimi i pronës”.
23-vjeçari M. M. ndodhet në spital, jashtë rrezikut për jetën.
