Reperi Don Xhoni është kthyer në një prej artistëve më të preferuar të publikut shqiptar.
Së fundmi, Don Xhoni është përballur me një situatë jo shumë të këndshme. Mediat kosovare shkruajnë se rritja e rasteve të reja me Covid gjatë ditëve të fundit, ka bërë që policia dhe Inspektorati të dalin në terren për kontrolle të ndryshme.
Në koncertin e Don Xhonit ishin grumbulluar njerëz përtej limitit të lejuar dhe ka ndërhyrë policia, e cila ka ndërprerë performancën e tij. Një gjë të tillë e ka pranuar edhe reperi i njohur nëpërmjet një postimi në “Instagram”.
“Ferizaj, kërkojmë falje për sonte. Faji nuk ishte te ne por te policia me inspektoriatin që na ndaluan festën. Shihemi shumë shpejt”, shkruan reperi në reagimin e tij.
