Ish-zëvendësministrja e Arsimit, Nora Malaj, gjatë një interviste për Faxnews, foli rreth nisjes së vitit të ri akademik në kushtet e pandemisë së Covid-19, ku ekspertët kanë parashikuar një rritje të rasteve të reja për shkak të variantit ‘Delta’.
Malaj u shpreh se Komiteti Teknik i Ekspertëve duhet të marrë parasysh vaksinimin e të gjithë pedagogëve dhe studentëve me qëllim rikthimin e tyre në auditore, pasi sipas saj prezenca në auditore është një domosdoshmëri për ciklet universitare dhe ato parauniversitare.
“Mendoj se urdhëri i cili ka qenë përpara mbarimit të vitit akademik, që do të thotë që në fund të vitit akademik, pjesa e prezencës së studentëve, sidomos atyre që mbrojtën ose mbaruan ciklin e parë, ose ciklin e dytë të studimeve, ka krijuar mundësinë dhe qasjen e një formati të ri që tregon se raportet midis auditoreve dhe universitetit tashmë janë bërë pjesë shumë e rëndësishme e menaxhimit të kujdesit, duket patur parasysh rregullat që duhet të respektohen dhe nga ana tjetër duke patur parasysh dhe rëndësinë shumë të madhe të vaksinimit, si një nga problemet e rëndëisishme që ka jo vetëm Shqipëria por e gjithë bota.
Mendoj që në vendimin e radhës Komiteti Teknik i Ekspertëve do ta ketë në kujdes pikërisht faktin për të bërë ekzaminimin dhe vaksinimin e të gjithë studentëve dhe pedagogëve, të cilët më pas mund ta kenë të mundur prezencën në autditore.
Mendoj se prezenca në auditore është një domosdoshmëri si për ciklet universitare dhe ato parauniversitare”, tha Malaj.
