Një tjetër falsifikim të rëndë zyrtar, madje i vetmi në Botë, është bërë nga kryebashkiaku Erjon Veliaj, për të zhdukur gjurmët e krimit ndaj godinës së Teatrit Kombëtar, por në fakt i ka shtuar ato si prova për SPAK.
Mos u çuditni, por në datën 13 maj 2020, Lali Eri ka bërë hyrje në magazinën e Bashkisë-Tiranë, godinën e Teatrit Kombëtar, me Fletë-Dalje po në këtë datë, nga magazina e Ministrisë së Kulturës.
Nuk dihet, se si godina e Teatrit me sipërfqëe totale 7 000 m2, është mbajtur brenda magazinës 110 m2 të Ministrisë së Kuturës; dhe se me çfarë magjie, Lali Eri e ka futur në magazinën 190 m2 të Bashkisë Tiranë.
Por dihet fakti, se ministrja Elva Margariti dhe kryebashkiaku Erjon Veliaj, kanë vlerësuar godinën e Teatrit si mall konsumi me vlerë 840 mijë Euro, kur ajo është pasuri e paluajtshme godinë e jo makinë, tavolinë apo si 12 pikturat e zhdukura para 1 muaji në Galerinë e Arteve.
Ndërsa në datën 17 maj 2020, vetëm 4 ditë pas magazinimit, Lali Eri e ka bërë dalje godinën e Teatrit Kombëtar, me proces-verbal të firmosur nga Arbjan Mazniku e Dhimtraq Furxhi, duke e cilësuar “mall i skaduar për asgjësim fizik”.
Në dosjet e Bashkisë, godina e Teatrit Kombëtar figuron e çuar në landfillin e Klodian Zotos në Sharrë; ku Bashkia ka paguar edhe 23 mijë Euro për transport e depozitim si mbetje inerte.
Nëse SPAK, nuk e gjen dot këtë dokument në dosjet e magazinës së Bashkisë-Tiranë, mund ta gjej në dosjet e magazinës të Ministrisë së Kulturës, ose në dosjen “Teatri” të Gjykatës Kushtetuese.
Veprimi që ka detyrim SPAK-u, është fillimi i procedimit penal ndaj kryebashkiakut Erjon Veliaj, mbështetur në Nenin nr. 190 të Kodit Penal; sipas të cilit, dënohet 7 vite burg për “Shpërdorim detyre, prodhim e falsifikim aktesh zyrtare të rreme dhe fshehje provash kriminale, që kanë sjellë dëm ekonomik”.
Nëse heshtet edhe për këtë rast, drejtësia duhet të sqarojë shqiptarët, se çfarë krimi tjetër të rëndë duhet të bëjë Erjon Veliaj; krahas korrupsionit, vrasje fëmijësh në landfill, leje kullash për pastrim parash droge e bashkëveprim me grupin mafioz “Ndraghet’a”, me të cilin ka dhe biznesin e plehrave “Eco Tirana”./Pamfleti
