Muaji gusht ka arritur fluksin e hyrjes së udhëtarëve në Portin e Durrësit. Qindra e mijëra emigrantë po kthehen në atdhe gjatë këtyre ditëve.
Për përballimin e tij kompanitë lundruese që operojnë në Portin e Durrësit po kryejnë lundrime vajtje-ardhje (dopio-corse) të trageteve, nga e mërkura deri të dielën e çdo jave.
5 tragete pritet të mbërrijnë vetëm këtë të shtunë në Portin e Durrësit nga linja e Barit dhe Ankonës me afro 7,500 udhëtarë, ndërsa më i ulët ky numër është në daljet nga vendi drejt brigjeve italiane.
Mësohet se Policia Kufitare po punon me kapacitet të plotë me 20 sportele në funksion për përpunimin e pasagjerëve dhe mjeteve të tyre. Sipas të dhënave të bëra publike nga Autoriteti Portual Durrës, fundjava e parë e gushtit solli në vendin tonë 17,100 pasagjerë, mes të cilëve 8, 704 shtetas shqiptarë dhe 8, 396 të huaj, si dhe 5343 automjete. Ndërsa në dalje kjo shifër ishte disa herë me ulët, konkretisht 6 266 pasagjerë (2 037 shtetas shqiptarë + 4 229 shtetas të huaj) dhe 2036 automjete.
