Njësitë elitë të Policisë së Kosovës janë angazhuar në rrugën ‘Mbretëresha Teutë’ në Pejë, pas dyshimeve se në një automjet mund të ishte vendosur lëndë eksplozive.
Lajmin për aksionin policor e konfirmon për ‘RADIO 1’ toger Fadil Gashi – Zëdhënës i Policisë Rajonale të Pejës.
“Në rrugën Mbretëresha Teutë, në afërsi të Bankës TEB, në një parking policia është njoftuar për një çantë të dyshimtë.
E njejta është tërhequr nga njësitë profesionale të demontimit. Tani po zhvillohen hetime dhe policia është në vendngjarje”, tha Gashi për Radio 1.
