Janë shënuar sërish vonesa në Portin e Durrësit, teksa dy tragete të linjës Durrës-Bari janë nisur me orë të tëra vonesë ditën e sotme.
Bëhet fjalë për “Af Marina”, që është nisur me një diferencë prej 6 orësh nga ora e parashikimit, si edhe “Rigel III” me një diferencë prej rreth 4 orësh.
Prej ditësh mediat raportojnë problemet që janë krijuar jo vetëm me tragetet, por edhe me transportin ajror, kukryesisht e pasagjerëve janë shqiptarë. Ata trajtohen përtej çdo imagjinate, jo vetëm duke u lënë me orë të tëra në ambientet portuale apo aeroportuale, por në rastin e trageteve, kanë qëndruar në korridoret apo kuvertën e tragetit, edhe pse kanë paguar bileta të shtrenjta dhe për dhoma.
