Ish-Kryeministri Sali Berisha ka reaguar përmes rrjeteve sociale, lidhur me situatën e zjarreve në vend. Berisha shkruan se ndërsa Shqipëria është në flakë, Kreu i Meduzës nuk bëhet i gjallë, është tretur në vakanca!
“Lutjuni Zotit për shi!”, shkruan Berisha.
Në fakt Kryeministri Edi Rama ka reaguar përmes rrjeteve sociale lidhur me zjarret, duke mos u shfaqur kurrë në terren. Momenti i fundit kur Rama u fotografua dhe u filmua ishte ai kur hipte në një helikopter ushtarak për të udhëtuar nga Jugu në Veri, jo për situatën e zjarreve, por për pushime.
Ndërkohë që Maqedonia e Veriut shpalli emergjencën nga zjarret, në Shqipëri nuk ka pasur asnjë masë, madje në pamjet filmike të transmetuara janë shfaqur zjarrfikës që luftojnë me flakët pa pasur asnjë mjet mbrojtës, apo pa pasur asnjë mjet për të luftuar zjarret, përveç kazmave, lopatave dhe kovave me ujë.
